एकिकृत समाजवादी निकट २ भातृ संगठनको स्थापना दिवसमा हेटौँडामा दिप प्रज्वलन
मकवानपुर । नेकपा एकिकृत समाजवादी पार्टीको भातृ संगठन युवा संघको ३५ औं स्थापना दिवस र अखिल नेपाल राष्ट्रिय स्वतन्त्र विद्यार्थी युनियनको ६० औं स्थापना दिवस को उपलक्ष्यमा हेटौंडामा दिप प्रज्वलन गरिएको छ ।
हेटौँडा ४ को शितल महल चोकमा दिप प्रज्वलन गरिएको हो । पार्टीका जिल्ला अध्यक्ष विष्णु दाहालले मैनबत्ती बालेपछि शुरु भएको कार्यक्रममा युवा संघका जिल्ला अध्यक्ष किरणमान बल, विद्यार्थी संगठनका जिल्ला अध्यक्ष अरुण बर्तौला, पार्टी जिल्ला सचिव धुर्व भुजेल लगायतको आतिथ्यतामा कार्यक्रम भएको हो ।
कार्यक्रम युवा संघ , विद्यार्थी संगठनको संयुक्त आयोजनामा गरिएको थियो ।
