राजदेवीबाट संचालित खानेपानी योजना हेटौँडा खानेपानीलाई हस्तान्तरण
मकवानपुर । रानी खोला राजदेवी खानेपानी तथा सरसफाई उपभोक्ता समिति हेटौँडा १७ बाट संचालित खानेपानी योजना हेटौँडा खानेपानी व्यवस्थापन बोर्डलाई हस्तान्तरण गरिएको छ । बुधबार एक हस्तान्तरण कार्यक्रमको आयोजना गरी योजना हस्तान्तरण गरिएको हो ।
हेटौँडा उपमहानगरपालिकाले खानेपानीमा दिएको छुटमा सहभागी गराउनका लागि खानेपानी योजना हेटौंडा खानेपानी व्यवस्थापन बोर्डलाई हस्तान्तरण गरिएको बताइएको छ । हेटौँडा उपमहानगरपालिकाकी नगर प्रमुख मीनाकुमारी लामा, उपप्रमुख राजेश बानियाँ र वडा अध्यक्ष उद्वव सत्यालसहितको उपस्थितिमा खानेपानी योजना हस्तान्तरण गरिएको हो ।
हेटौँडा खानेपानी व्यवस्थापन बोर्डका अध्यक्ष प्रताप विष्टले बोर्डका लागि योजना ग्रहण गरेका थिए ।
