हात्तिले लियो मनहरीका राईको ज्यान
मकवानपुर । मकवानपुरको मनहरी गाउँपालिकामा जंगली हात्तिको आक्रमण बाट एक जनाको मृत्यु भएको छ । मनहरी गाउँपालिका वडा नम्बर–६ स्थित राष्ट्रिय निकुन्जको जंगलमा मनहरी गाउँपालिका वडा नम्बर–६ प्रतापपुर वस्ने वर्ष ५६ वर्षिय काले बहादुर राईको हात्तिको आक्रमणबाट मृत्यु भएको हो ।
उनी सहित ३ जना स्थानिय मानिसहरु निकुञ्जमा भैसी चराउन गएको अबस्थामा हात्तिले आक्रमण गर्दा राईको मृत्यु भएको जिल्ला प्रहरी कार्यालय मकवानपुरले जनाएको छ ।
हात्तिले आक्रमण गर्न खोज्दा सोही स्थानबाट भागी बाच्न सफल भएको भनी संगै गोठाला गएका अन्य मानिसहरुले निकुन्ज सुरक्षार्थ राखिएको नेपाली सेनाको नयाँ सबुज गण बंकर पोष्ट शुनाचुरी मकवानपुरमा जानकारी गराएका थिए ।
