रातोमाटेबाट ३२ बोत्तल एनेरेक्स लागूऔषध सहित १ युवक पक्राउ
मकवानपुर । मकवानपुरको हेटौँडा उपमहानगरपालिका वडा नम्बर १५ रातोमाटेबाट ३२ बोत्तल एनेरेक्स लागुऔषधसहित एक युवक पक्राउ परेका छन् । जेठ ३ गते राति ११ बजेर १० मिनेट गएको समयमा प्रहरी चौकी रातोमाटे मकवानपुरबाट खटिएको प्रहरी टोलीले रातोमाटे स्थित पुर्व पश्चिम लोक मार्ग सडक खण्डबाट पर्साको बिरगंज महानगरपालिका वडा नम्बर २ बस्ने ३१ वर्षिय मिथुन चौधरीलाई पक्राउ गरेको हो ।
हेटौँडाबाट पथलैयातर्फ जादैं गरेको प्र २–०३–०२० प ९९९१ नम्बरको स्कुटरलाई रोकेर शंका लागेपछि प्रहरीले चौधरीको खानतलासी गरेको थियो । खानतलासीका क्रममा स्कुटरको अगाडीको भाईजर भित्र लुकाई छिपाई गरी राखेको अवस्थामा उक्त लागूऔषध फेला परेको जिल्ला प्रहरी कार्यालय मकवानपुरले जनाएको छ ।
चौधरीलाई लागुऔषध सहित सहित मकवानपुर जिल्ला अदालत हेटौडाबाट ५ दिनको म्याद लिई अनुसन्धान भईरहेको प्रहरीले जनाएको छ ।
