३३ लाख लगानीमा हेटौँडा १ को वनदेवी–शिखरकोट सडक स्ल्याब ढलान
मकवानपुर । मकवानपुरको हेटौँडा उपमहानगरपालिका वडा नम्बर १ अन्तरगत वनदेवी–शिखरकोट सडकमा ५ सय ३० मिटर स्ल्याब ढलान गर्न सुरु गरिएको छ ।
हेटौँडा उपमहानगरपालिकाको ३३ लाख रुपैयाँ लगानीमा स्ल्याव ढलान हुन लागेको हो । स्ल्याब ढलानको शुक्रबार हेटौँडा उपमहानगरपालिकाकी प्रमुख मीनाकुमारी लामाले शुभारम्भ गरेकी छिन् ।
शुभारम्भ कार्यक्रममा हेटौँडा उपमहानगरपालिकाका उपप्रमुख राजेश बानियाँ, वडा नम्बर १ का वडाअध्यक्ष सविन न्यौंपाने लगायतको उपस्थिति रहेको थियो । उपमहानगरको बिकट क्षेत्र घ्याङ्सिङटार जोड्न गत आर्थिक वर्षमा ५० लाख रुपैयाँ बजेट बिनियोजन गरिएको थियो ।
