हेटौँडा ३ का २ जना बिरगञ्जबाट पक्राउ
मकवानपुर । पर्साको बिरगंज महानगरपालिका वडा नम्बर १६ स्थित सडकबाट मकवानपुरका २ जना पक्राउ परेका छन् ।
पक्राउ पर्नेहरूमा मकवानपुरको हेटौंडा उपमहानगरपालिका वडा नम्बर ३ घर भएका २९ वर्षीय समुन्द्र साह र २४ वर्षीय अमिर बानियाँ रहेका छन् । प्रहरी चौकी इनरवा पर्सा र लागूऔषध नियन्त्रण ब्यूरो शाखा कार्यालय पर्साबाट खटिएको संयुक्त टोलीले भारतबाट नेपालतर्फ आउँदै गरेको बागमती प्रदेश ०३–०२ प ९४५० नम्बरको स्कुटरलाई जाँच गर्ने क्रममा स्कुटरमा सवार उनीहरूलाई लागुऔषध जस्तो पदार्थ भेटिएपछि पक्राउ गरिएको प्रहरीले जनाएको छ ।
प्रहरीका अनुसार उनीहरुको साथबाट अवैध लागूऔषध ब्राउनसुगर जस्तो देखिने पदार्थ १ सय ५० ग्राम र अफिम जस्तो देखिने पदार्थ १ सय ५० ग्राम फेला परेपछि उनीहरुलाई सोमबार राति पक्राउ गरिएको हो ।
