हेटौँडा ११ का २३ वटा टोल विकास संस्थालाई सरसफाई सामग्री वितरण
मकवानपुर । टोल विकास संस्था वडा समन्वय समिति हेटौंडा ११ ले वडा भित्र रहेका २३ वटा टोल विकास संस्थाहरुलाई सरसफार्इका सामाग्रीहरू वितरण गरेको छ। ५२ औं विश्व वातावरण दिवसको अवसरमा सरसफाई सामग्री वितरण गरिएको हो ।
सरसफाईका लागि खरेटो, हातमा लगाउने पन्जा, माक्स,बोरा लगायतका सामाग्रीहरु वितरण गरिएको थियो। कार्यक्रममा बोल्दै कार्यक्रमकी प्रमुख अतिथी तथा हेटौंडा ११ की वडा अध्यक्ष जुना दाहालले वडा सरसफाईको थालनी आफैंले सुरु गर्ने बताईन् । टोल विकास संस्था वडा समन्वय समिति हेटौंडा ११ का अध्यक्ष यज्ञबहादुर आचार्यको सभाध्यक्षतामा कार्यक्रम भएको हो ।
कार्यक्रममा हेटौंडा उपमहानगरपालिका ११ नम्बर वडाका भित्रका टोल विकास संस्थाका अध्यक्षहरु, टोल विकास संस्था प्रतिनिधिहरु लगायतको उपस्थिती रहेको थियो। समितिले वातावरण दिवसको अवसरमा सप्ताहव्यपी कार्यक्रम गर्ने जनाएको छ।
