दुर्घटनामा घाईते भएका कमानेका कार्कीको निधन
मकवानपुर । मकवानपुरको हेटौँडा उपमहानगरपालिका वडा नम्बर ८ कमाने बस्ने ४५ वर्षीय दिनेश कार्कीको उपचारका क्रममा चितवनमा मृत्यु भएको छ । उनी मनहरी गाउँपालिका वडा नम्बर–६ नयाँ बजारस्थित पुर्व पश्चिम राजमार्गमा ट्रकको ठक्करबाट घाइते भएका भएपछि उपचाररत थिए ।
हेटौँडाबाट चितवनतर्फ जादै गरेको ना ५ ख ७७२१ नंबरको ट्रकले चितवन तर्फबाट हेटौंडा आउँदै गरेको बागमती प्रदेश ०३–००४ प ६९७३ नंबरको बुलेट मोटरसाइकलाई ठक्कर दिइ दुर्घटना हुँदा मोटरसाइकल चालक कार्की गम्भिर घाईते भएका थिए ।
ट्रकको ठक्करबाट टाउको र शरिरको विभिन्न भागमा चोट लागी उपचारको लागि नयाँ मेडिकल कलेज चितवनमा उपचार भइरहेकोमा कार्कीलाई गएराती डाक्टरले मृत घोषणा गरेको प्रहरीले जनाएको छ ।
