राक्सिराङ गाउँपालिकामा सार्वजनिक सुनुवाई हुने
मकवानपुर । मकवानपुरको राक्सिराङ गाउँपालिकामा सार्वजनिक सुनुवाई हुने भएको छ । गाउँपालिका कार्यालयले बुधबार सूचना प्रकाशित गर्दै सार्वजनिक सुनुवाई हुने जानकारी दिएको हो ।
सूचना अनुसार राक्सिराङ गाउँपालिकाको वडा नम्बर ७ मा संचालित पुर्वाधार योजना, कार्यक्रम एवम् गाउँपालिका र अन्तर्गतका कार्यालयहरूबाट प्रदान गरिने सेवा प्रवाहको गुणस्तरीयताको सम्बन्धमा सार्वजनिक सुनुवाइ हुने भएको हो।
सुनुवाइ कार्यक्रम यही जेठ १९ गते शनिबार बिहान ११ बजे राक्सिराङ ७ को वडा कार्यालयमा हुनेछ ।
कार्यक्रममा स्थानीय जनप्रतिनिधि,राजनैतिक दलका प्रतिनिधि,नागरिक अगुवा, संघ संस्थाका प्रतिनिधि लगायत सबै सरोकारवालाहरूको उपस्थिति रहनेछ ।
