सिमलटारको राप्ति रिभर पार्कमा वृक्षारोपण
मकवानपुर । मकवानपुरको हेटौँडा उपमहानगरपालिका वडा नम्बर ११ स्थित राप्ति रिभर पार्कमा मंगलबार बिहान वृक्षा रोपण गरिएको छ ।
टोल विकास संस्था वडा समन्वय समिति हेटौँडा ११ को आयोजना तथा डिभिजन वन कार्यालय राप्ती, मनहरीको सहयोगमा वृक्षारोपण गरिएको समितिका अध्यक्ष यज्ञबहादुर आचार्यले जानकारी दिए ।
वृक्षारोपण कार्यक्रममा हेटौँडा उपमहानगरपालिकाकी मेयर मीनाकुमारी लामा, वडा नम्बर ११ की वडाअध्यक्ष जुना दाहालका साथै अन्य जनप्रतिनिधि, विभिन्न सामाजिक संघ संस्था, सामुदायिक प्रहरी तथा स्थानीयको उपस्थिति रहेको थियो ।
५२ औँ विश्व वातावरण दिवसका अवसरमा समितिले विविध कार्यक्रम आयोजना गर्दै आईरहेको छ । यसअघि नै सरसफाई तथा अन्य विविध कार्यक्रमको आयोजना गरिएको थियो ।
