मनहरीमा मोटरसाईकलमा सवार महिलाको मृत्यू
मकवानपुर । मकवानपुरको मनहरी गाउँपालिका वडा नम्बर ९ रजैयामा ग्यास बुलेटको ठक्करबाट मोटरसाइकलमा सवार एक जनाको मृत्यु भएको छ ।
ग्यास बुलेट गाडीको ठक्करबाट मोटरसाइकल चालक कास्की घर भएका ३१ वर्षीय सुवास गुरुङ र मोटरसाइकलमा सवार सोही स्थान बस्ने ३३ वर्षीय निर्मला अधिकारी घाइते भएका थिए । उनीहरुमध्ये निर्मलाको उपचारको क्रममा हेटौंडास्थित चुरिहिल अस्पतालमा ज्यान गएको जनाइएको छ।
आज बिहान रजैया स्थित पुर्व–पश्चिम सडक खण्डमा चितवनबाट हेटौँडातर्फ आउँदै गरेको ए यस २५ डिसी ०२१२ नम्बरको खाली ग्याँस बुलेटले हेटौंडाबाट चितवनतर्फ जाँदै गरेको ग ७ प २३०४ नम्बरको मोटरसाइकललाई ठक्कर दिएको थियो ।
