हेटौँडामा टोल विकास संस्थालाई सहकारी शिक्षा
मकवानपुर । उपयोगी सहस्राब्दी बचत तथा ऋण सहकारी संस्था लिमिटेडले सहकारी शिक्षाबारे एक दिने परामर्श कार्यक्रम सम्पन्न गरेको छ ।
हेटौँडा ११ मा रहेको ४ वटा टोल विकास संस्थालाई लक्षित गरि सहकारीबारे जानकारी दिएको हो । सहकारीका अध्यक्ष दिनेश बिडारीको सभाध्यक्षता तथा ११ नम्बर वडा अध्यक्ष जुना दाहाल को प्रमुख आतिथ्यतामा कार्यक्रम भएको हो ।
समुदाय लक्षित कार्यक्रममा वचत के हो , वचत किन र कसरी गर्ने, ऋण लिँदाका फाइदा बेफाइदा लगायतका विषयमा जानकारी गराइएको कार्यक्रम संयोजक यज्ञबहादुर आचार्यले जानकारी दिए ।
कार्यक्रममा वडा सदस्य गोपिनी सापकोटा, गिता सुनार लगायतको आतिथ्यता रहेको थियोे ।
