हेटौँडा १९ मा दुर्घटनामा परेका तिरुवाको मृत्यू
मकवानपुर । हेटौंडा १९ दारिमटारमा मोटरसाइकल दुर्घटनामा घाईते भएका एक पुरुषको मृत्यु भएको छ। शनिबार साँझ ट्याक्टरले ठक्कर दिँदा मोटरसाइकलमा सवार कालिकोट सान्नी त्रिवेणी गाउँपालिका ४ बस्ने ३० वर्षीय रमेश तिरुवा घाईते भएका थिए । उनको उपचारको क्रममा मृत्यू भएको हो ।
प्रहरीका अनुसार मोटरसाइकल चालक चितवन भरतपुर महानगरपालिका – ५ तोरीखेत बस्ने ३७ वर्षीय मुस्कान घलान र मोटरसाइकलमा सवार तिरुवा घाइते भएका थिए। दुबैजनालाई उपचारको लागि नयाँ मेडिकल कलेज भरतपुर चितवन रिफर गरिएको थियो।
थप उपचारको लागि काठमाण्डौ ट्रमा सेण्टर लगिएकोमा उपचारको क्रममा हिजो ११ बजे डाक्टरले मृत्यु घोषणा गरेको प्रहरीले जनाएको छ।
नेवारपानीतर्फबाट हेटौाडातर्फ जाँदै गरेको ना ७ त ४३७६ नम्बरको टयाक्टरले हेटौँडातर्फबाट नेवारपानी तर्फ आउँदै गरेको बा ७० प ७१८९ नम्बरको मोटरसाईकललाई ठक्कर दिँदा दुर्घटना भएको थियो। मोटरसाइकल र ट्याक्टर नियन्त्रणमा रहेको र ट्याक्टर चालक फरार रहेको प्रहरीले जनाएको छ।
