थाहा सन्देश दैनिकको कार्यकारी सम्पादकममा उज्ज्वल अधिकारी
मकवानपुर । हेटौँडाबाट बिगत १३ वर्षदेखि प्रकाशन भइरहेको थाह सन्देश राष्ट्रिय दैनिकको कार्यकारी सम्पादकमा उज्ज्वल अधिकारी नियुक्त भएका छन् । दैनिक पत्रिकाका प्रकाशक तथा सम्पादक राजन दाहालले अधिकारीलाई कार्यकारी सम्पादकमा नियुक्त गरेका हुन् ।
उनले मंगलबारदेखि नै सम्पादकीय जिम्मेवारी सम्हालेका छन् । प्रकाशक दाहालले अधिकारीको आगमनले थाह सन्देशले थप उचाइ हासिल गर्ने विश्वास व्यक्त गरेका छन्। नव नियुक्त कार्यकारी सम्पादक अधिकारीले आफ्नो सीप र अनुभवको आधारमा समाचार कक्षको नेतृत्व गर्ने बताए ।
अधिकारी एक दशकदेखि मकवानपुरको पत्रकारितामा सक्रिय छन् । उनी नवयुग अनलाइनका सम्पादक समेत हुन् । उनले खबरब्रेक डटकम, हेटौँडा टुडे, रेडियो कलश लगायतका विभिन्न सञ्चारमाध्यममा काम गरिसकेका छन् ।
