रातोमाटेबाट १ युवक पक्राउ
मकवानपुर । हेटौँडा उपमहानगरपालिका वडा नम्बर १५ रातोमाटे पिपलबोटबाट अवैध लागूऔषध गाँजासहित एक युवक पक्राउ परेका छन् ।
प्रहरीले ४ किलो ५ सय ग्राम गाँजासहित महोत्तरीको एकडाँडा गाउँपालिका ४ बस्ने २८ वर्षीय राम लोप्चन ठाकुरलाई बुधबार दिउँसो पक्राउ गरेको हो ।
प्रहरी चौकी रातोमाटेबाट खटिएको प्रहरीले हेटौंडाबाट पथलैयातर्फ जाँदै गरेको बा ४ ख १९३४ नम्बरको बसमा सवार उनलाई उक्त गाँजासहित पक्राउ गरेको जानकारी दिएको छ ।
