पदमपोखरीमा गाई प्रवर्द्धन कार्यक्रम, सामग्रीहरु वितरण
मकवानपुर । हेटौँडा उपमहानगरपालिका वडा नम्बर १३ पदमपोखरीमा गाई प्रवर्द्धन कार्यक्रम अन्तर्गत किसानहरुलाई विविध सामग्रीहरु वितरण गरिएको छ ।
आज १३ नम्बर वडा कार्यालय पदमपोखरीमा भएको कार्यक्रममा अनुदान कार्यक्रम अन्तर्गत ५० प्रतिशत अनुदानमा किसानहरुलाई विविध सामग्री वितरण गरिएको हो । कार्यक्रममा कार्यक्रमका प्रमुख अतिथि एवम् हेटौँडा उपमहानगरपालिकाकी नगर प्रमुख मीनाकुमारी लामा र हेटौेंडा १३ का वडाअध्यक्ष पेम्बा लामाले किसानहरुलाई सामग्री वितरण गरेका थिए ।
आधामार कृषक समूह हेटौँडा १३ पदमपोखरीको आयोजना तथा हेटौँडा उपमहानगरपालिका १३ नम्बर वडा कार्यालयको आर्थिक सहयोगमा कार्यक्रम गरिएको हो । कार्यक्रममा अतिथिहरुका साथमा वडा सदस्यहरु, जनप्रतिनिधी, सामाजिक व्यक्तित्व तथा युवा व्यवसायी फेञ्चु लामा, सुरज थिङ लगायतको उपस्थिति रहेको थियो ।
