लमजुङमा पहिरोमा परी ४ जनाको ज्यान गयो
मकवानपुर । लमजुङ जिल्लाको क्व्होलासोथार गाउँपालिका–३ बगुमस्थित गएराति पहिरो खस्दा ४ जनाको मृत्यु भएको छ । पहिराले तीनवटा घर पुरिँदा उनीहरू बेपत्ता भएका थिए ।
पहिरोमा पुरिएर ६७ वर्षीय रुद्रमान गुरुङ, उहाँकी बुहारी ३६ वर्षीया पञ्चकुमारी गुरुङ, नातिनी ४ वर्षीया नम्रता गुरुङ र ८ वर्षीया इच्छा गुरुङको ज्यान गएको हो ।
प्रहरी र स्थानीयले भग्नावशेषबाट उनीहरूको शव निकालेका हुन् । जिल्लाका अन्य भागमा पनि पहिरो गएकोले यो संख्या बढ्ने देखिन्छ ।
