सुनाचुरीमा लडेका पुजनको मृत्यू
मकवानपुर । मनहरी गाउँपालिका वडा नम्बर ६ सुनाचुरीमा लडेको अवस्थामा भेटिएका एक जनाको मृत्यु भएको छ । मृत्यु हुनेमा बारा कोल्हवी नगरपालिका–८ मधुवन घर भइ हाल चितवन खैरेनी नगरपालिका–९ सिमलटाँडीमा लेबर काम गरी वस्ने वर्ष ३२ को पुजन राम रहेका छन् ।
मनहरीको सुनाचुरी पेट्रोल पम्प नजिकै बिहीबार पुजन लडिरहेको अवस्थामा फेला परेका थिए । उनको भाई नाता पर्ने वर्ष २० को राजेश रामले फेला पारी प्रहरी चौकी सुनाचुरीमा खबर गरेका थिए । प्रहरी घटनास्थल पुगेर हेर्दा बुझ्दा खयरघारीबाट लोथर बजारतर्फ पैदल फर्कने क्रममा लडेर घाईते भएको जिल्ला प्रहरी कार्यालय मकवानपुरले जनाएको छ ।
प्रहरीका अनुसार दाहिने आँखी भौँ माथी भित्री चोट लागेको उनको उपचारको क्रममा पुरानो मेडिकल कलेज भरतपुर चितवनमा गएराति ११ बजेर ५ मिनेटको समयमा समयमा उपचारकै क्रममा मृत्यु भएको हो । शव पुरानो मेडिकल कलेज भरतपुर चितवनमा रहेको र घटनासम्बन्धमा थप अनुसन्धान भईरहेको प्रहरीले जनाएको छ ।
