भन्सार छलिका सामान वरामद
लाखौंको सामान भन्सार वुझाइयो
विदुर–त्रिदेशिय मार्गको रुपमा रहेको वीरगन्ज–गल्छी–विदुर–धुन्चे–रसुवागढी सडकमार्गवाट भन्सार छलि गरिएका सामानहरु जफत गरिएको छ । लाखौंका सामान कारवाहीका लागि भन्सार कार्यालयमा वुझाइएको छ । 
उक्त मार्गमा रहेको पासाङल्हामु सडकमार्गबाट प्रहरीले लाखौं रुपैया मुल्य वरावरको सामान वरामद गरेको हो । जिल्ला प्रहरी कार्यालय तथा मातहत प्रहरी इकाईबाट खटिएका प्रहरी टोलीले रसुवाको विभिन्न स्थानमा चेकजाँच गर्दा भन्सार छलि अवैध रूपमा ल्याइएका सामानहरू जफत गरिएको प्रहरी नायव उपरिक्षक हेमवहादुर शाहीले जानकारी दिए । 
उनका अनुसार बिल बिजक नभएका पांच लाख रुपैँया बराबरको खाद्य तथा पेय पदार्थ बरामद गरी आवश्यक कारवाहीको लागी रसुवा भन्सार कार्यालय, टिमुरे रसुवामा बुझाइएको छ । रसुवागढी नाकावाट भन्सार छलिलगायतका अवैध गतिविधि भइरहेको गुनासो आएपछि प्रहरी प्रशासनले सक्रियता अपनाएको छ ।
अन्य समाचार
सर्वाधिक रुचाइएको
