एमालेका १५ जना महाधिवेसन प्रतिनिधि चयन
बिदुर– नेकपा एमालेको ११ औं महाधिवेशनका लागि नुवाकोटबाट महाधिवेसन प्रतिनिधिहरु चुनिएका छन् । दुई वटा निर्वाचन क्षेत्र रहेको नुवाकोटवाट शनिवार १५ जना महाधिवेसन प्रतिनिधिहरु सर्वसम्मत भएका हुन् । क्षेत्र नं १ बाट सात जना र क्षेत्र नं. २ बाट आठ जना महाधिवेशन प्रतिनिधि सर्वसम्वत भएका हुन् । एमाले नुवाकोटले महाधिवेसन प्रतिनिधि चयनका लागि रामहरि रिमालको संयोजकत्वमा पांच सदस्यीय निर्वाचन समिति गठन गरेको थियो ।
समितिका अनुसार महाधिवेसनका लागि सर्वसम्मत छनौट भएका प्रतिनिधिहरुमा नुवाकोट क्षेत्र नं १ बाट जिल्ला अध्यक्ष बद्री मैनाली, प्रदेश कमिटिठ सदस्य काशीराज अधिकारी, नीलकण्ठ आचार्य, मिलन लामा र युवातर्फ बसन्त न्यौपानेलाई सर्वसम्वत गरिएको छ । महिलातर्फ महाधिवेसन प्रतिनिधिहरुमा जिल्ला कमिटि सदस्यहरु कमला पाण्डे र मोनिका थापा सर्वसम्वत भएका छन् ।
क्षेत्र नं. २ वाट पुर्व जिल्ला अध्यक्ष नारायणप्रसाद खतिवडा, वर्तमान उपाध्यक्ष राजेन्द्ररमण खनाल, पुर्व उपाध्यक्ष वुद्धिवहादुर प्रधान, जिल्ला सचिवालय सदस्यहरु अरुणकुमार श्रेष्ठ, कोपिला भट्ट र जिल्ला सदस्य इन्दिरा अधिकारी, युवावाट विष्णु दाहाल सर्वसम्मत भएको निर्वाचन समितिले जनाएको छ । सो क्षेत्रवाट एक जना उत्पीडित समुदायवाट सनम परियार महात्रिवेसन प्रतिनिधि चयन भएका छन् ।
नुवाकोटवाट सर्वसम्मत महाधिवेसन प्रतिनिधि चयन हुनु एउटा सुखद र सकारात्मक सन्देश रहेको एमाले नुवाकोटका अध्यक्ष वद्री मैनालीले वताए । उनले पार्टीका सदस्यहरुबीच सहमतिका आधारमा प्रतिनिधि चयन भएको वताए ।
नेकपा एमालेको ११ औं महाधिवेशका लागि शनिवार नुवाकोटसहित देशैभर एकसाथ महाधिवेसन प्रतिनिधिहरु चयन भएका छन् । अधिकांश स्थानमा सर्वसम्वत भएपनि केही स्थानमा भने आन्तरिक विवाद भएको बुझिएको छ । एमाले महाधिवेशन आउन दुई साता मात्रै बाँकी रहेको छ । मंसिर २७ गते भक्तपुरमा एमालेको ११ औं महाधिवेशनको उद्घाटन हुँदैछ ।
अन्य हेडलाइन
सर्वाधिक रुचाइएको
