चट्याङको दुःखद खबर :
चट्याङ्बाट एकजनाको मृत्यु, एकजना एक घाइते
मकवानपुर । मकवानपुरमा चट्याङ् लागेर एक जनाको मृत्यु भएको छ भने एक जना घाइते भएका छन् । शुक्रबार परेको चट्याङ लागेर मकवानपुरगढी गाउँपालिका ५ देउरालीकी २७ वर्षीया फूलमाया पाख्रीनको मृत्यु भएको हो ।
घरभित्रै बसिरहेकी सिंहबहादुर पाख्रिनकी श्रीमती फूलमायाको चट्याङ लागेर घटनास्थलमै मृत्यु भएको जिल्ला प्रहरी कार्यालय मकवानपुरले जनाएको छ ।
यस्तै, पश्चिमी मकवानपुरको मनहरी गाउँपालिका ३ स्थित लामिटारमा बाख्रा चराउन गएकी स्थानीय ५२ वर्षीया बृन्दा मोक्तान चट्याङ लागेर घाइते भएकी छिन् । उनको हेटौंडा अस्पतालमा उपचार भइरहेको प्रहरीको भनाई छ ।
