एमालेका मनोनीत ४४ केन्द्रीय सदस्यले आज सपथ ग्रहण गर्ने
नेकपा एमालेको केन्द्रीय कमिटीका मनोनित ४४ सदस्यहरुको शपथ ग्रहण आज हुँदैछ ।
आज बिहान ११ बजे तुलसीलाल प्रतिष्ठान च्यासलमा उनीहरुको शपथ ग्रहणको कार्यक्रम राखिएको प्रचार विभाग उपप्रमुख विष्णु रिजालले जानकारी दिए।
भक्तपुरमा हालै बसेको केन्द्रीय कमिटीको दोस्रो बैठकले खुला २०, महिला १५ र पार्टी एकताको प्रक्रियाबाट आएका नौ जना गरी जम्मा ४४ जनालाई केन्द्रीय सदस्यमा मनोनीत गरेको थियो । एमालेको विधानमा भएको व्यवस्था अनुसार केन्द्रीय कमिटीमा १० प्रतिशत सदस्य मनोनीत गरिएको हो ।
