दुर्घटना अपडेटः हेटौंडा हुँदै काठमाण्डौ जाँदै गरेको सुमो दुर्घटनामा, ३ घाईते
मकवानपुर । मकवानपुरको ईन्द्रसरोबर गाउँपालिका वडा नम्बर २ सिमखोला नजिक ‘ब्रेक फेल’ हुँदा सुमो दुर्घटनामा परेको छ ।
विरंगजबाट हेटौंडा हुँदै काठमाण्डौ गईरहेको प्रदेश नम्बर २-०३-००१ ज,०१३० नम्बरको सुमो ब्रेक फेल हुँदा आफै दुर्घटनामा परेको जिल्ला प्रहरी कार्यलय मकवानपुरका निमित्त प्रहरी प्रवक्ता राजकुमार सापकोटाले बताए ।
उनले सुमो ‘ब्रेक फेल’ हुँदा अनियन्त्रित भएर दुर्घटना हुँदा सडकबाट करिब ७-८ मिटर तल खसेको बताए ।
प्रहरी प्रवक्ता सापकोटाका अनुसार सुमोमा चालक सहित ८ जना सवार रहेकोमा दुर्घटनामा दुई जना महिला र एक जना पुरुष गरेर ३ जना घाईते भएका छन् ।
उनिहरुको हात र खुट्टामा चोट लागेको र थप उपचारको लागि काठमाण्डौ पठाईएको छ । उनिहरुको स्वास्थ्य अवस्था सामान्य रहेको प्रहरी प्रवक्ता सापकोटाको भनाई छ ।
