रुखले थिच्दा एकको मृत्यु
– दुइ जना घाइते
बिदुर– रुखले थिचेर नुवाकोटको आलडांडामा एक जनाको ज्यान गएके छ । दुई जना घाइते भएका छन् । बेलकोटगढी नगरपालिका ९ आलडांडामा शनिवार कुटमिरोको रुख काट्ने क्रममा सोही रुखले थिचेर एक जनाको घटनास्थलमै ज्यान गएको जिल्ला प्रहरी कार्यालय नुवाकोटले जनाएको छ ।
दुई जना घाइते भएका छन् भने उनीहरुको अस्पतालमा उपचार भइरहेको छ । रुखले थिचेर स्थानीय ३३ वर्षिय प्रेमवहादुर तामाङको घटनास्थलमै ज्यान गएको वडाध्यक्ष दुर्गाप्रसाद गजुरेलले जानकारी दिए । उनका अनुसार उक्त दुर्घटनामा परि संगै काम गरिरहेका बेलकोटगढी १० का ३४ वर्षिय अरुण तामाङ र ३२ वर्षिय माधव भुजेल घाइते भएका छन् ।
घाइतेलाई उपचारका लागि त्रिशूली अस्पताल लगिएको छ । प्रहरीले घटनाको सम्बन्धमा थप अनुसन्धान भइरहेको जनाएको छ ।
अन्य हेडलाइन
सर्वाधिक रुचाइएको
