प्रहरीले नै लुकाएको अवस्थामा एक किलो सुनजस्तो धातु भेटियो
मकवानपुर । काठमाडौंमा प्रहरी जवान प्रशन्न श्रेष्ठले लुकाएको अवस्थामा सुनजस्तो देखिने एक किलो धातु बरामद भएको छ ।
बरामद भएको धातु सुन हो वा होइन परीक्षणका क्रममा छ । महानगरीय प्रहरी कार्यालय रानीपोखरीका एसएसपी सुशीलकुमार यादवले धातु भेटिएको तर सुन हो वा होइन यकिन नभएको बताए ।
मंगलबार बरामद भएको साढे १४ किलो नक्कली सुनको अनुसन्धानका क्रममा थप एककिलो धातु फेला परेको हो । श्रेष्ठ सादा पोसाकका प्रहरी हुन् । मंगलबार बरामद भएको भनिएको नक्कली सुन र हतियारबारेको सूचना बहादुरसिंह कडायत र प्रशन्न श्रेष्ठले नै महानगरीय प्रहरी वृत्त दरबारमार्गका डीएसपीलाई दिएका थिए ।बाह्रखरी डटकमबाट
