सुशान्त केश:रियासहित ६ जनाविरुद्ध सीबीआईले दर्ता गर्‍यो एफआईआर

लोकखबर
२३ श्रावण २०७७, शुक्रबार १५:५१

मकवानपुर । बलिउड अभिनेता सुशान्त सिंह राजपूतको आत्महत्या केशमा सीबीआईले ६ जनाविरुद्ध एफआईआर दर्ता गरेको छ ।

सीबीआईले सुशान्त राजपूतकी प्रेमिका रिया चक्रवर्ती, शोविक चक्रवर्ती, इन्द्रजीत चक्रवर्ती, सन्ध्या चक्रवर्ती, स्यामुअल मिरांडा र श्रुति मोदीलाई आरोपी बनाएको छ ।

अब सीबीआईको मुद्दा यी ६ जना वरिपरि घुम्नेछ ।

रिया चक्रवर्ती सुशान्तकी गर्लफ्रेण्ड थिइन् । उनीमाथि सुशान्तलाई आत्महत्या गर्न उक्साउने, पैसाको हेराफेरी गर्नेजस्ता आपराधिक कार्य गरेको आरोप छ ।

यसअघि सुशान्तका पिता के के सिंहले पनि रियाविरुद्ध प्रहरीमा उजुरी दिएका थिए ।

सीबीआईले रियाका भाइ सोविक चक्रवर्तीलाई पनि आरोपी भनेको छ । उनी सुशान्तका साथ ३ कम्पनीका निर्देशक पनि थिए । सोविक प्रायः सुशान्तको घर आउने जाने गरिरहन्थे ।खबरहब डटकमबाट

प्रतिकृया

यसमा तपाइको मत

Your email address will not be published. Required fields are marked *


*