प्रिमियर लिगका ४ खेलाडीमा कोरोना पुष्टि
मकवानपुर ।प्रिमियर लिग फुटबलका चार खेलाडीमा कोरोना भाइरसको पुष्टि भएको छ । प्रिमियर लिगका खेलाडी तथा कर्मचारीहरुमा पछिल्लो चरणको परीक्षणमा चार जनामा कोरोना संक्रमण पुष्टि भएको हो ।
प्रिमियर लिग फुटबल शनिबार रातिबाट सुरु भएको थियो । लिगमा सोमबारसम्म २१ सय ३१ खेलाडी तथा कर्मचारीको परीक्षण गरिएको थियो ।
जसमा चार खेलाडीमा कोरोना पुष्टि भएको लिगले विज्ञप्तिमार्फत जनाएको छ । क्लब र व्यक्तिका विषयमा लिगले जानकारी दिएको छैन । कोरोना संक्रमण देखिएको खेलाडी तथा कर्मचारीले १० दिनसम्म सेल्फ आइसोलेसनमा बस्नुपर्नेछ । बाह्रखरी डटकमबाट
