ब्रेकफेल भएपछि त्रिशूलीमा ट्याङ्कर खस्यो, चालक-सहचालक हामफालेर जोगिए
मकवानपुर । त्रिशूली नदीमा पेट्रोल बोकेको ट्याङकर खसेको छ । चालक र सह-चालक भने हामफालेर ज्यान जोगाउन सफल भएका छन् ।
वीरगञ्जबाट काठमाडौं आउँदै गरेको ना.४ख २८२२ नम्बरको पेट्रोल बोकेको ट्याङ्कर धादिङको गल्छी गाउँपालिका ६, चरौंदीबाट गएराति त्रिशूली नदीमा खसेको हो । ट्याङकरमा आगलागी भएको छ ।
वाग्मती प्रदेश प्रहरी कार्यालयका एसएसपी सुदीप गिरीका अनुसार चालक र सहचालक सम्पर्कमा आएका छन् । प्रारम्भिक अनुसन्धानका क्रममा ब्रेकफेल भएपछि ट्याङ्कर नदीमा खसेको हो । चालक र सहचालक दुवैले हाम फालेर ज्यान जोगाएको गिरीले जानकारी दिए ।बाह्रखरी डटकमबाट
