सोलुखुम्बुमा करेन्ट लागेर वडाध्यक्षको मृत्यु
मकवानपुर ।सोलुखुम्बुको माप्य दुधकोशी गाँउपालिकामा करेन्ट लागेर वडाध्यक्षको मृत्यु भएको छ।
प्रहरीका अनुसार सोलुखुम्बु माप्य दुधकोशी गाँउपालिका– ५ का वडाध्यक्ष ३९ वर्षीय निमराज तामाङको मंगलबार बिहान करेन्ट लागेर मृत्यु भएको हो।
स्थानियबासीका अनुसार बिहान साढे ८ बजे आफ्नै घरमा रड लिएर छतमा गएका वडाध्यक्षलाई रडले अचानक बिजुलीको नाङ्गो तारमा छुँदा करेन्ट लागेको थियो।
करेन्ट लागेर बेहोस भएका वडाध्यक्ष तामाङको जिल्ला अस्पताल फाप्लुमा उपचारको क्रममा ९ बजे मृत्यु भएको प्रहरीले जनाएको छ । खबरहब डटकमबाट
