दीपिका पादुकोण: टुटेको दिललाई ‘ड्रग्स’ को सहारा ?
मकवानपुर । सुशान्त सिंह राजपूतको आत्महत्यापछि बलिउडमा ड्रग्स सेवनको विषय सतहमा आएको छ । एनसीबीको अनुसन्धानमा कैयन् बलिउड कलाकार मुछिएका छन् ।
तीमध्ये ड्रग्स लिने गरेको भन्दै दीपिका पादुकोणको नाम पनि जोडिएको छ । दीपिका बलिउडकी सफल हिरोइन मात्र होइनन्, उनी आफ्नो सुन्दरताका साथै बौद्धिक पनि मानिन्छिन् ।
दीपिकाका पिता प्रकाश पादुकोण आफ्नो जमानाका राम्रा ब्याण्डमिन्टन खेलाडी थिए । दीपिका पनि खेलाडी बन्ने धाउन्नमा लामो समय बिताइन् ।
तर, पछि उनले सबै छोडेर अभिनय यात्रा थालिन् । उनलाई यो क्षेत्रमा रुचाइयो पनि ।
बीचमा एउटा यस्तो पनि समय आएको थियो, जुन बेला दीपिकाले डिप्रेसनको सामना गर्नुपरेको थियो ।
यो प्रेमको कारण थियो । रणवीर कपूरसँग ब्रेकअप भएपछि उनी डिप्रेसनमा पुगेकी थिइन् । रणवीर र दीपिकाको प्रेमको खुबै चर्चा हुने गर्थ्यो । दीपिकाले रणवीरलाई यति चाहन्थिन् कि, उनीसँगै घर बसाल्ने सपना देखिन् ।
तर, यो सम्बन्ध लामो समय टिक्न सकेन । उनीहरुको ब्रेकअप भयो ।
यसको कुनै ठोस कारण थिएन । बरु रणवीर दीपिकासँग बिहे गर्न तयार थिएनन् । दीपिकाको जोड भने बिहेमा थियो ।
रणवीरको परिवारलाई पनि दीपिका मन परेको थिएन । जुन कारण यो सम्बन्ध विवाहमा पुग्न सकेन ।
दीपिका र रणवीर अलग भएपछि यसको असर दीपिकालाई झन् बढी पर्यो । रोमान्टिक रणवीरलाई यो कुराले खासै प्रभावित पारेन । तर, दीपिकालाई यसले असर पार्यो । यसबीचमा उनले आफूलाई भुलाउन अरु विकल्पको खोजी गरिन् ।
पछि दीपिकालाई रणवीर सिंहसँग आफ्नो मन साटिन् । उनीहरुले बिहे गर्न समय लगाएनन् । बिहे गरेपछि रणवीर र दीपिका खुशी छन् ।
यता रणवीर कपूर पनि आलिया भटसँगको प्रेमसम्बन्धका कारण चर्चामा छन् ।
दीपिकाले अतीत भुलेर नयाँ जीवनको शुरुवात गरेकी छिन् । तर, उनीमाथि पुनः ड्रग्स लिएको भन्दै नाम जोडिएको छ ।
वास्तविकतामा जे भए पनि यसले दीपिकाको करिअरमा भने असर पार्न सक्छ ।खबरहब डटकमबाट
