बजारमा सावोमीको एलईडी टिभी
मकवानपुर । एमआई सावोमी कम्पनीले दशै लक्षित गरी मोवाईल संगै अब एलईडी टिभी पनि बजारमा ल्याएको छ । सोमबार बागमती प्रदेशको राजधानी हेटौंडामा सावोमी ब्रान्डका दुईवटा टिभिको मोडेल सार्वजानिक गरीएको हो ।
मकवानपुर उद्योग वाणिज्य संघका वरिष्ठ उपाध्यक्ष माधव न्यौपानेले टिभीको उत्घाटन गरेका थिए । उनले टिभी सार्वजानिक गर्दै जसरी मोवाईलले बजार लिएको छ त्यसैगरी टिभीले पनि बजार लिई व्यापार राम्रो हुन्छ भन्दै शुभकामना दिएका थिए ।
मोवाईलको लागि राम्रो ब्रान्डको रुपमा रहेको सावोमीले अब टिभिपनि उत्पादन गरेकोले ग्राहकहरु टिभि प्रति पनि आकर्षण हुनेमा विश्वास लिएको न्यौपानले बताए ।
हाल दुईवटा मात्र मोडेल सार्वजानिक गरिएको एमआई मोवाईलका हेटौंडाका आधिकारिक विक्रेता आर टु मोवाइल कलेक्सनका सञ्चालक राजकुमार दाहालले बताए । उनले एमआई फोर ए प्रो ४३ इन्चको ३९,९९९ र फोर एक्स ५५ इन्चको ६४,९९९ पर्ने बताए । रिर्मोटबाट गुगल सर्च र प्राइम भिडियो नेटफ्लेक्सको सुविधा रहेको उनले जानकारी दिए ।
टिभी सार्वजानिक कार्यक्रममा मोवाइल एसोसियसन अफ नेपाल मकवानपुरका अध्यक्ष एसिस रिजाल, पुर्व अध्यक्ष छतेन्द्र आचार्य, मोवाईल व्यवसायी तथा संचारकर्मीहरुको उपस्थिती रहेको थियो ।
