डा.गोविन्द केसीको मागप्रति ऐक्यबद्धता जनाउँदै कांग्रेसको धर्ना
मकवानपुर । प्रमुख प्रतिपक्षी नेपाली कांग्रेसले डा. गोविन्द केसीको मागमा ऐक्यबद्धता जनाउँदै त्रिवि शिक्षण अस्पतालमा सांकेतिक धर्ना दिएको छ । कांग्रेसले डा. केसीले अनशन सुरु गरेको २२औं दिनमा सोमबार शिक्षण अस्पताल परिसरमा २२ मिनेट धर्ना दिएको हो ।
कांग्रेस प्रवक्ता तथा सूचना सञ्चार तथा प्रचार विभाग प्रमुख विश्वप्रकाश शर्माको नेतृत्वमा दिइएको धर्नामा २२ जनाको सहभागिता थियो । सांकेतिक धर्नामा कांग्रेसका प्रचार विभागका सदस्यहरु उपस्थित थिए ।
धर्नालगत्तै प्रवक्ता शर्माले डा. केसीसँग भेट गरेका छन् । उनले भेटका क्रममा डा. केसीका माग सम्बोधनका लागि सरकारलाई दबाब दिन कांग्रेस निरन्तर लागिपरेको बताएका छन् ।बाह्रखरी डटकमबाट
