प्रहरीमा ६१८६ कोरोना संक्रमितमध्ये ५२७० जना डिस्चार्ज
मकवानपुर । प्रहरीमा पछिल्लो समय कोरोना संक्रमितको संख्या घट्दै गएको छ । हालसम्म प्रहरीमा ६ हजार एक सय ८६ जनालाई कोरोना संक्रमण भएको छ ।
जसमध्ये पाँच हजार दुई सय ७० जना डिस्चार्ज भइसकेको प्रहरी प्रवक्ता एसएसपी कुवेर कडायतले जानकारी दिए । उनका अनुसार देशभर ९ सय १६ जना प्रहरी कोरोनाका सक्रिय संक्रमित छन् ।
सक्रिय संक्रमितमा प्रहरी प्रधान कार्यालयकै १९२ जना र उपत्यकाका १९० जना छन् । यस्तै प्रदेश १ का १०३, प्रदेश २ का १३ जना, वाग्मती प्रदेशका ७१ जना, गण्डकी प्रदेशका १६० जना, लुम्बिनी प्रदेशका १०८ जना, कर्णाली प्रदेशका ३८ जना र सुदूरपश्चिम प्रदेशका ४१ जना प्रहरी कोरोनाका सक्रिय संक्रमित छन् ।
विगतको तुलनामा पछिल्लो समय प्रहरीमा संक्रमितको संख्या घट्दै गएको छ ।बाह्रखरी डटकमबाट
