मनहरीबाट लागुऔषध गाँजा बरामद
मकवानपुर । मकवानपुर प्रहरीले मनहरी गाउँपाकिलाका वडा नम्बर ६ बाट ६० किलो लागुऔषध गाँजा बरामद गरेको छ ।
शनिबार (हिजो) करिब १ बजेको समयमा प्रहरी निरीक्षक प्रकाश थापाको कमाण्डमा ईलाका प्रहरी कार्यालय मनहरी र प्रहरी चौकी सुनाचुरीबाट संयुक्त रुपमा खटिएको प्रहरी टोलीले गस्ती गर्दै जाने क्रममा मनहरी(६ स्थित पुर्व–पश्चिम लोकमार्ग सडकखण्डबाट गाँजा बरामद गरेको हो ।
गाँजा तस्कर गर्ने व्यक्ति फरार भएको प्रहरीले जनाएको छ ।
प्रहरीलाई देख्नसाथ अपरिचित मानिसहरु बोरा फाली भागेको र उक्त बोरा खोली सुरक्षाजाँच गर्दा गाँजा फेला परेको जिल्ला प्रहरी कार्यालय मकवानपुरका निमित्त प्रहरी प्रवक्ता राजकुमार सापकोटाले बताए ।
फरार रहेकाहरुको खोजी कार्य भइरहेको जिल्ला प्रहरी कार्यालय मकवानपुरले जनाएको छ ।
