तीन पत्रकार पुरस्कृत
बिदुर– पर्यटकिय गन्तव्य वन्दै गइरहेको नुवाकोटको शिवपुरीमा तीन पत्रकार पुरस्कृत भएका छन् । गोविन्द वियोगी पत्रकारिता पुरस्कार प्रदान गरिएको हो । सम्पादक समाज नेपालले आफ्ना संस्थापक अध्यक्ष गोविन्द वियोगीको स्मरणमा स्थापना गरिएको ‘गोविन्द वियोगी पत्रकारिता पुरस्कार’ र ‘गोविन्द वियोगी विशेष पत्रकारिता पुरस्कार’ प्रदान गरेको हो ।
यस वर्षको गोविन्द वियोगी पत्रकारिताबाट रत्न राज्यलक्ष्मी क्याम्पस, पत्रकारिता तथा आमसञ्चार विभागका प्रमुख डा. जगत नेपाललाई प्रदान गरिएको छ । पुरस्कारको साथमा २५ हजार रुपैयाँ नगद र सम्मानपत्र रहेको छ । डा. नेपालले पत्रकारिता शिक्षण र अनुसन्धानमार्फत नेपाली पत्रकारिताको स्तर उकास्न गरेको योगदानको मूल्याङ्कन गर्दै पुरस्कार प्रदान गरिएको संस्थाले जनाएको छ ।
वियोगीको २०औँ स्मृति दिवसको अवसरमा शिवपुरी गाउँपालिका–७ सुइरेचौरमा आयोजित कार्यक्रममा पुर्व राष्ट्रपति डा. रामवरण यादवले पुरस्कार तथा सम्मान प्रदान गरेका हुन् । गोविन्द वियोगी विशेष पत्रकारिता पुरस्कार २०८२ गोरखापत्र दैनिककी पत्रकार चाँदनी हमाल र शुक्रवाःया तँसापौ साप्ताहिकका स्तम्भकार राजेन्द्र मानन्धरलाई प्रदान गरिएको हो । यस पुरस्कारसँगै प्रत्येकमा १५ हजार रुपैयाँ नगद र सम्मानपत्र प्रदान गरिएको छ ।
