खेल
सागमा महिला भलिबलमा स्वर्ण पदकका लागि नेपालले भारतसँग खेल्दै
काठमाडौँ । तेह्रौँ दक्षिण एसियाली खेलकुद (साग) अन्तर्गत महिला भलिबलको उपाधि अर्थात स्वर्ण पदकका लागि आज(मंगलबार) नेपाली टोलीले भारतसँग प्रतिस्पर्धा गर्दैछ ।
खेल दिउशो दिउशो २ बजेपछि राष्ट्रिय खेलकुद परिषद् (राखेप) को कभर्ड हलमा हुनेछ । नेपाली टोलीलाई समूह चरणमा भारतसँग भोगेको पराजयको बदला लिने मौका पनि फाइनल खेल बनेको छ । सेमिफाइनलमा नेपालले श्रीलंकालाई ३-० को सोझो सेटमा पराजित गरेको थियो । यस्तै भारतले माल्दिभ्सलाई पराजित गरेर फाइनल यात्रा तय गरेको हो ।
यसअघि हिजो (सोमबार) राखेपको कभर्ड हलमा भएको खेलमा श्रीलंकाले माल्दिभ्सलाई ३-० ले पराजित गरेर काश्य पदक जितेको छ ।
