राजनीति
भडेलले लिए पद तथा गोपनियताको सपथ
मकवानपुर । प्रदेश ३ का प्रदेशसभा सदस्य कृष्णलाल भडेलले आइतबार पद तथा गोपनियताको सपथ ग्रहण गरेका छन् । नव निर्वाचित सदस्य भडेललाई प्रदेश ३ का सभामुख सानुकुमार श्रेष्ठले पद तथा गोपनियताको सपथ ग्रहण गराए । भडेल भक्तपुर १ (क) बाट उपनिर्वाचनमा कांग्रेसको तर्फबाट विजयी भएका हुन् ।
प्रदेश ३ प्रदेशसभाका उपसभामुख राधिका तामाङ तथा प्रमुख प्रतीपक्षी दल कांग्रेसका संसदीय दलका नेता इन्द्रबहादुर बानियाँलगायतको उपस्थितिमा भडेललाई सपथ ग्रहण गराइएको हो ।
भडेलले मंशिर १४ गते भएको उपनिर्वाचनमा नेकपाका उम्मेदवार डीपी ढकाललाई पराजित गरेका थिए । भडेलले १३ हजार ४ सय ४९ मत ल्याएका थिएन भने नेकपाका ढकालले ११ हजार २ सय ६ मत ल्याएका थिए ।
तत्कालिन एमालेका तर्फबाट निर्वाचित प्रदेशसभा सदस्य हरिशरण लामिछानेको निधन भएपछि त्यहाँ उपनिर्वाचन भएको हो ।
