शिक्षा
अबदेखि शिक्षकले सबै विषय पढाउनुपर्ने
मकवानपुर । आगामी नयाँ शैक्षिक सत्रबाट १ देखि कक्षा ३ सम्ममा अध्यापन गर्दै आएका हरेक शिक्षकले सबै विषय अध्यापन गर्नुपर्ने भएको छ ।
अहिले फरक विषयमा विषयगत शिक्षकले अध्यापन गर्ने गरेका छन् । एकीकृत पाठ्यक्रम अनुसार कक्षा १ देखि ३ सम्मका शिक्षकले सो तहमा लागू हुने सबै विषय अध्यापन गर्नुपर्ने पाठ्यक्रम विकास केन्द्रका सूचना अधिकारी गणेशप्रसाद भट्टराईले जानकारी दिए ।
आगामी शैक्षिक सत्रबाट कक्षा १ देखि ३ मा नेपाली, अंग्रेजी, गणित र मेरो सेरोफेरो विषय अध्यापन गरिने उनले बताए ।
