अपराध
थाहा नगरका खत्री नागढुंगामा चरेस सहित पक्राउ
मकवानपुर । काठमाडौंको चन्द्रगिरि नगरपालिका-२, नागढुंगाबाट झण्डै पाँच किलो चरेससहित मकवानपुर थाहा नगरका एक जना पक्राउ परेका छन् ।
पक्राउ पर्नेमा मकवानपुर, थाहा नगरपालिका-७ का ५९ वर्षीय भगवान खत्री छन् । उनको साथबाट चार किलो ८०० ग्राम चरेस बरामद गरिएको प्रहरीले जनाएको छ । महानगरीय प्रहरी प्रभाग नागढुंगाबाट खटिएको प्रहरीले धादिङबाट काठमाडौंतर्फ आउँदै गरेको ना १ ज ५३७१ नम्बरको टाटासुमो जाँच गर्ने क्रममा उक्त चरेस फेला पारेको हो ।
घटनाबारे अनुसन्धान भइरहेको प्रहरीले जनाएको छ ।
