हिमपहिरोमा कोरियन र नेपाली सहित ७ जना अझै बेपत्ता
मकवानपुर । हिमपहिरोमा परी अन्नपूर्ण बेस क्याम्पबाट हराई रहेका मध्ये चार जना कोरियन र तीन जना नेपाली अझै बेखबर बनेका छन् ।
पदयात्रा क्षेत्रको हिमालयनबाट माथि देउरालीको बीच करिब तीन हजार २०० मिटर उचाइमा अवस्थित हिङ्कुकेभ वरिपरि गत माघ ३ गते बिहान १० बजेको आएकोे हिमपहिरोमा परी उनीहरु बेपत्ता भएका हुन् ।
नेपाली पथप्रदर्शक सरोज परियार,सहयोगी मीनबहादुर लामा (तामाङ) र छिरिङ भोटे तथा कोरियन नागरिक लि मिन सु, जोंगपिल बो, किम सोक जा र चोइ जो वोन बेपत्ता भएका हुन् ।
घटनास्थलमा बाक्लो हिउँ जमेको तथा अहिले पनि हिउँ पर्ने क्रम नरोकिएकाले वेपत्ता भएकाको अवस्था हालसम्म पनि यकिन हुन नसकेको टानका अध्यक्ष हरि भुजेलले जानकारी दिए ।
बेपत्ता भएकाहरुको खोजी कार्य जारी रहेको उनले बताए ।
