हेटौंडामा मोटरसाइकल दुर्घटना,एकजनाको घटनास्थलमै मृत्यु
मकवानपुर । मकवानपुरको हेटौँडा उपमहानगरपालिका ११, नवलपुरमा मोटरसाईकलमा एकजनाको घटनास्थलमै मृत्यु भएको छ भने एकजना घाइते भएका छन् ।
मंगलबार राती ना ४३ प ३९१४ नम्बरको मोटरसाईकल र ना ५ च १७७७ नम्बरको भ्यान एक आपसमा ठोक्कीदा मोटरसाईकलमा सवार हेटौंडा १९ का २१ वर्षीय सुनील स्यान्तानको मुत्यु भएको जिल्ला प्रहरी कार्यालय मकवानपुरले जनाएको छ ।
दुर्घटनामा घाइते भएका मोटरसाईकलमा सवार मनहरी ९ का साजन भ्लोनको भने हेटौँडाको चुरेहिल अस्पतालमा उपचार भैरहेको जिल्ला प्रहरी कार्यालय मकवानपुरका प्रवक्ता प्रहरी निरिक्षक ललनकुमार कुर्मीले जानकारी दिए ।
