दिल्ली हिंसाको चौथो दिन, ज्यान गुमाउनेको सङ्ख्या २७ पुग्यो
मकवानपुर । ढिल्लीको उत्तर–पूर्वी इलाकामा नागरिकता संशोधन कानुनको विरोधमा भएको हिंसामा बुधबारसम्म २७ जनाको ज्यान गएको छ ।
नागरिकता कानुनविरुद्धको प्रदर्शनले हिंसाको रुप लिँदा अन्य दुई ५० जना घाइते भएका छन् । जीटीबी अस्पतालमा २५ र जेपी अस्पतालमा दुई जनाको ज्यान गएको बताइएको छ ।
उत्तर–पूर्वी दिल्लीको चान्द बाग इलाकामा बुधबार आईबी अधिकारी अंकित शर्माको शव फेला परको प्रहरीले जानकारी दिएको छ ।
हिंसाको तीन दिनपछि भारतीय प्रधानमन्त्री नरेन्द्र मोदीले मानिसहरुलाई शान्तिपूर्वक रहन र भाइचारालाई नबिर्सन आग्रह गरेका छन् ।
दिल्लीका मुख्यमन्त्री तथा आम आदमी पार्टीका नेता अरविन्द केजरीवालले हिंसा प्रभावित इलाकामा सेना तैनाथ गरिने बताएका छन् ।
यसैबीच राष्ट्रिय सुरक्षा सल्लाहकार (एनएसए) का डीसीपी अजित डोभाल हिंसा भड्किएको इलाकामा पुगेर स्थितिको बारेमा जानकारी लिएका छन् ।
दिल्ली प्रहरीले हिंसामा अहिलेसम्म १८ वटा घटना दर्ता भएको र एक सय ६ जनालाई गिरफ्तार गरिएको जानकारी दिएको छ । यसैबीच प्रहरीले घटनाको बारेमा जानकारी दिन ११२ नम्बरमा सूचना दिन आग्रह गरेको छ ।
हिंसाले उग्र रुप लिएपछि गएको २४ घण्टामा केन्द्रीय गृह मन्त्री अमित शाहले तीन पटक बैठक बोलाइसकेका छन् ।उज्यालो डटकमबाट
