सामान्यतया आजको मौसम सफा
मकवानपुर । जल तथा मौसम पूर्वानुमान महाशाखाका अनुसार आइतबार (आज) देशका केही क्षेत्रमा आंशिक तथा केही ठाउँमा सामान्य बदली भए पनि अरु क्षेत्रको मौसम सामान्यतया सफा रहेको छ ।
अहिले देशको पश्चिमी भूभागमा पश्चिमी वायुको प्रभाव रहेको मौसमविदले बताएका छन् । देशको पश्चिमी क्षेत्रमा अहिले सामान्य बदली रहेको छ । बाँकी भूभागमा आंशिक बदलीको अवस्था रहेको मौसमविदले बताएका छन् ।
आज दिउँसो देशको पहाडी भूभागमा आंशिकदेखि सामान्य बदली रहने छ । बाँकी क्षेत्रको मौसम सामान्यतया सफा रहने जनाइएको छ । अपरान्ह पश्चात पहाडी भूभागका थोरै स्थानहरुमा मेघ गर्जन र चट्याङसहित वर्षाको सम्भावना रहेको छ । उच्च पहाडी तथा हिमालि भूभागका केही स्थानहरुमा हल्का हिमपातको सम्भावना रहेको मौसमविदले बताएका छन् । राति देशको पहाडी भूभागमा आंशिक बदली रहने जनाइएको छ।
बाँकी भूभागमा मौसम सामान्यतया सफा रहनेछ । पश्चिमी क्षेत्रका एक-दुई स्थानहरुमा मेघ गर्जन र चट्याङसहित वर्षाको सम्भावना रहेको छ ।
