गोरखामा बनिरहेको पुल भत्कदा तीन जना घाइते
मकवानपुर । गोरखामा निर्माणाधीन पुल भत्कदा तीन जना कामदार घाइते भएका छन् । ढलानका लागि फर्मा टेकाएर छड बाँध्ने काम भइरहेका बेला एक्कासी पुल ढलेको हो।
मध्यपहाडी राजमार्ग अन्तर्गत गोरखाको पालुङटार र तनहुँ तुरतुरे जोड्ने मर्स्याङ्दी नदीमाथि निर्माण भइरहेको पुल ढलेको हो । पुलको ढलान गर्न छड कसिरहेका तीन जना कामदार घाइते छन् ।
घाइते मध्ये दुई जनाको स्थानीय मेडिकलमा र एक जनाको थप उपचारका लागि काठमाडौं पठाइएको जिल्ला प्रहरी कार्यालय गोरखाका प्रहरी उपरीक्षक ओम अधिकारीले जानकारी दिए ।खबरअब डटकमबाट
