चट्याङ र असिना पानीका कारण चार जनाको ज्यान गयो

लोकखबर
२ चैत्र २०७६, आईतवार १३:३८

मकवानपुर चट्याङ, असिना पानीका कारण म्याग्दी र अर्घाखाँचीमा चार जनाको ज्यान गएको छ ।

शनिबार राति चट्याङ लागेर घाइते हुनुभएका म्याग्दीको अन्नपूर्ण गाउँपालिका ६ खिवाङका रविन पुन र यमकुमारी गर्बुजाको उपचारको क्रममा आइतबार बिहान ज्यान गएको प्रहरीले जनाएको छ ।

अर्घाखाँचीको शितगङ्गा नगरपालिका १२ का १० वर्षीय विकास नेपालीको असिनाले लागेर ज्यान गएको छ । शनिबार दिउँसो घरबाट हिँड्नुभएका नेपालीको कुडुले जङ्गलमा शव भेटिएको हो । असिनाले लागेर उहाँको ज्यान गएको प्रारम्भिक अनुसन्धानबाट खुलेको प्रहरीले जनाएको छ ।

यस्तै अर्घाखाँचीकै भूमिकास्थान नगरपालिका ९ का सालिकबहादुर बलालको पातले खोलाले बगाएर ज्यान गएको प्रहरीले जनाएको छ ।उज्यालो अनलाईन डटकमबाट

प्रतिकृया

यसमा तपाइको मत

Your email address will not be published. Required fields are marked *


*