बाबुआमाको हत्या अभियोगमा छोरा पक्राउ, ‘हेडफोन’ले पुर्यायो छोरासम्म
मकवानपुर ।कञ्चनपुरको शुक्लाफाँटा नगरपालिकाको कलुवापुरमा भएको भण्डारी दम्पती हत्या प्रकरणमा आफ्नै छोरा पक्राउ परेका छन् ।
गत फागुन १५ गते घरभित्रै जयलाल भण्डारी र उनकी श्रीमती धना मृत अवस्थामा भेटिएका थिए ।
जयलालले जेठी श्रीमतीको मृत्यु भएपछि धनासँग दोस्रो विवाह गरेका थिए ।
अनुसन्धानमा क्रममा जेठी श्रीमतीका छोरा २६ वर्षीय भरत भण्डारीको संग्लनता देखिएको पाइएपछि पक्राउ गरिएको जिल्ला प्रहरी कार्यालय कञ्चनपुरका एसपी मुकुन्द मरासिनीले बताए ।
उनका अनुसार भरत डडेल्धुराको जोेगेनामा बस्दै आएका थिए ।
उनी ३ वर्ष वैदेशिक रोजगारीमा बसेर नेपाल फर्किएका थिए । एसपी मरासिनीले बाह्खरीसँग भने, “घटनास्थलबाट हामीले मोबाइलको हेडफोन बरामद गरेका थियौँ । अनुसन्धान गर्दै जाँदा भरतले प्रयोग गर्ने मोबाइल र बरामद भएको हेडफोन एउटै कम्पनीको देखियो । उनी सुरुदेखि नै हाम्रो निगरानीमा थिए । पक्राउपछि उनले हत्या आफूले गरेको साविती बयान दिएका छन् । पारिवारिक कारण देखिन्छ ।”
हत्यापछि उनी भागेको प्रारम्भीक अनुसन्धानबाट खुलेको प्रहरी दाबी छ ।
जयललालले जेठी श्रीमतीको स्तन क्यान्सरबाट मृत्यु भएपछि दुई वर्षअघि धनासँग विवाह गरेका थिए । बाबुआमाको हत्यापछि सात महिनाकी छोरी पनि घटनास्थलमा बेहोस अवस्थामा फेला परेकी थिइन् ।
बेहोस अवस्थामा भेटिएकी छोरीको धनगढीको माया मेट्रो अस्पतालमा उपचार जारी छ । बाह्रखरी डटकमबाट
