मकवानपुरको भीमफेदीमा भेलबाढीबाट एकजनाको मृत्यु
मकवानपुर । केही दिनदेखि लगातार परेको वर्षाका कारण आएको भेलबाढीले मकवानपुरमा एक जनाको मृत्यु भएको छ ।
मकवानपुरको भीमफेदी गाउँपालिका वडा नम्बर ८, इपापंचकन्यामा ठूलो डोलमा आएको भेलबाढीले २३ वर्षिय स्थानीय सन्तोष खनालको मृत्यु भएको हो ।
काठमाडौं कालीमाटीमा तरकारी व्यवसायमा संलग्न खनाल घर फर्कदै गर्दा भेलबाढीमा परेका हुन् ।
भीमफेदी ८ का अध्यक्ष नवराज अधिकारीका अनुसार मृतक खनालको श्रीमती र ६ महिनाकी एक छोरी छन् ।
