स्वास्थ्यकर्मीलाई कोरोना भएपछि कोसी अस्पतालको ओपीडी सेवा बन्द
मकवानपुर । विराटनगरको कोसी अस्पतालका स्वास्थ्यकर्मीमा कोरोना संक्रमण देखिएपछि अस्पतालको बहिरंग (ओपीडी) सेवा बन्द भएको छ ।
अस्पतालले सूचना टाँस गरी ओपीडी सेवा बन्द गरिएको सर्वधारणलाई जानकारी गराएको छ । कोसी अस्पतालका चार स्वास्थ्यकर्मीमा कोभिड १९ पुष्टि भएको छ । अस्पतालले गेटमै सूचना टाँस गरी संक्रमणको कारण सेवा दिन नसकिने जनाएको हो ।
अस्पतालले ओपीडी सेवा सुरु गरेपछि दैनिक पाँच सयभन्दा धेरै बिरामी उपचारका लागि अस्पताल आउने गरेका छन् । तर, विषम् परिस्थिति र संक्रमण त्रासका कारण अहिलेलाई ओपीडी सेवा बन्द गरिएको अस्पतालका मेसु चुमनलाल दासले बताएका छन् । बाह्रखरी डटकमबाट
