परीक्षाअघि १२ कक्षाका विद्यार्थीलाई खोपको व्यवस्था गर्न निर्देशन
मकवानपुर । प्रतिधिसभाको शिक्षा तथा स्वाथ्य समितिले परीक्षाअघि नै १२ कक्षाका विद्यार्थीलाई खोपको व्यवस्था गर्न निर्देशन दिएको छ।
बुधबार समिति सभापति जयपुरी घर्तीको अध्यक्षतामा बसेको बैठले सम्भव भए सम्म कक्षा १२ को परीक्षामा संलग्न सम्पूर्ण विद्यार्थीहरुलाई परीक्षा संचालन हुनु भन्दा पहिले खोपको व्यवस्था गर्न निर्देशन दिएको हो।
त्यस्तै समितिले परिक्षा दिनुभन्दा पहिले नै विद्यार्थीहरुलाई कोभिड परीक्षण गर्न, संक्रमित विद्यार्थीलाई अलगै राखेर परीक्षा दिने ब्यबस्था गर्न र कोभिडका गम्भीर बिरामी बिरामीलाई पनि परीक्षा दिने ब्यबस्था गर्न निर्देशन दिएको छ।
परीक्षा केन्द्रमा स्वास्थ्यकर्मी ,औषधि लगायत स्वास्थ्य सामग्रीहरुको व्यवस्था मिलाउन पनि समितिले निर्देशन दिएको छ।नेपालप्रेस डटकमबाट
