सामरीमा समवेल शुभारम्भ
मकवानपुर । मकवानपुरका मकवानपुरगढी गाउँपालिका वडा नम्बर ४ सामरीपुलको पश्चिमतर्फ निर्माण भएको समवेलको आज शुभारम्भ गरिएको छ । हेटौँडा खानेपानी व्यवस्थापन बोर्डले निर्माण गरेको समवेलको शुक्रबार विश्व खानेपानी दिवसको अवसर पारेर शुभारम्भ गरिएको हो ।
हेटौँडा उपमहानगरपालिकाका नगरप्रमुख मीनाकुमारी लामा र उपप्रमुख राजेश बानियाँले समवेलबाट पानी पिउँदै समवेलको शुभारम्भ गरेका हुन् । समवेलबाट दैनिक ६० लाख लिटर पानी वितरण गर्न सकिने बताइएको छ ।
शुभारम्भ कार्यक्रममा नगरप्रुख र उपप्रमुखसहित हेटौँडा खानेपानी व्यवस्थापन बोर्डका अध्यक्ष प्रताप बिष्ट, वडाअध्यक्ष्यहरु, जनप्रतिनिधिहरु तथा सञ्चारकर्मीहरुको उपस्थिति रहेको थियो ।
